Poem lifted from Bambet's yearbook page
 Sanlakbay 1999 Front Page Cover
|
TULOY ang 'LAKBAY
(The Journey Continues)
Tuloy ang paglalakbay....
Di iilang taon din naman ang pinagdaanan
Na kung saan ako ay hinubog sa buhay
Upang higit na makatugon
At lalo ngang maging matatag
Sa pagtawag na aking tinanggap.
Patuloy pa rin sa paglalakbay....
Hindi ganyan kadali ang sumuong
Sa 'di mabilang na pagsubok at kahirapan
Dito sa buhay na nais kong tugunan
Kaya nga ba patuloy na iniaalay
Sa Kanya ang buhay kong taglay.
Magpapatuloy sa paglalakbay....
Maaaring 'di ko batid, bukas na darating
Ngunit matatag akong naninindigan
Na kung sa Diyos ako'y laging tutugon
Sa aking paglalakbay patungo sa nais N'ya
Mararanasan ko, kalubusan ng buhay na 'asam!
-Abraham B. Mirandilla, Jr.
Tahanan ng Mabuting Pastol
Diocese of Sorsogon
|
|
 Photo by James E. Adams
Design by Sally Beck
|
 Theology IV Sanlakbay Class 1999
|
